Ministro Mervin Wyatt-Ras a desea Mayvir Orman tur exito

ORANJESTAD (AAN): Minister di Salubridad, Asunto Social, Cuido di Adulto Mayor y Maneho di Adiccion a haya chens di ricibi

bishita di e conocido Mayvir Orman, kende ta conoci como e “Aruban Earthquake”, actual campeon di SFC Heavyweight.

   El a sali recien pa Colombia pa un training camp intensivo como parti di su preparacion.  Ministro di awor caba a desea Orman tur clase di exito.

   Dia 19 di september venidero, Mayvir lo subi ring na Asunción, Paraguay, pa competi pa e titulo di SFC International Light Heavyweight Championship (93 kg).

   Yega na un nivel deportivo asina halto ta pidi hopi dedicacion y disciplina. Mantene un bon alimentacion, suficiente descanso, fortalesa mental y dedica hopi ora na training y preparacion ta parti esencial di e proceso.

   Mayvir, tur miho deseonan pa e gran reto cu tin bo dilanti. Sigui representa Aruba cu orguyo!