ORANJESTAD (AAN): Pa Minister Maduro di Cultura ta un placer semper pa pasa desea nos grandinan pabien riba nan fecha natal.
E siman aki e mandatario a pasa bishita señora Norma 'Moma' Lampe cu a cumpli e bunita edad di 94 aña. Minister Maduro ta felicita señora Norma y famia, y ta gradici nan pa e rato ameno cu por a comparti cu otro.
“Cu nos bon Dios duna bida y salud pa otro aña nos por celebra 95 aña,” ta Minister Maduro su deseo expresa pa e ocasion festivo.
