Ministro Maduro a asisti na Bankiersreceptie na Embahada Hulandes na Washington

ORANJESTAD (AAN): Na ocacion di IMF su 'Annual Meetings,' Embahador di Reino Hulandes na Merca, sr. André Haspels,

a organiza un 'bankiersreceptie' na su residencia pa e delegacion di Reino Hulandes cu ta presente na Washington, DC. 

   Tabata un rato ameno den cual Minister Maduro por a topa cu otro mandatarionan, bankeronan y otro funcionarionan cu ta representa Reino Hulandes den e reunionnan di IMF y Banco Mundial. Asina tabata tin oportunidad pa saluda y combersa un rato cu Ministernan di Finansa, señora Sigrid Kaag di Hulanda y sr. Javier Silvania di Curaçao, y tambe Minister di Relacion Exterior y Desaroyo di Cooperacion di Hulanda, señora Liesje Schreinemacher.

   Minister Maduro ta gradici Embahador André Haspels y su señora Bernie Grootenboer pa e cordialidad y atencion di semper pa cu e delegacion di Aruba.