Ministro Gerlien Croes a ricibi Sheikh Joaan Bin Hamad Al Thani di Qatar

E ta bay yuda Piscina Olimpico Roly Bisslik haya otro piscina

ORANJESTAD (AAN): Despues cu el a yega Diadomingo anochi na Aruba cu un Boeing 777-200 widebody priva di Qatar Airways, y transporta cu escolta policial y security, riba Dialuna e Sheikh Joaan Bin Hamas Al Thani di Qatar a haci un bishita na oficina di Gobierno.

   Como cu Prome Ministro Mike Eman ta na Hulanda, e ora e honor y placer a pasa pa Ministro Gerlien Croes, kende ta e Vice-Prome Ministro di Aruba, y alavez como Ministro di Deporte.

   Ademas di Sheikh Joaan Bin Hamad Al Thani di Qatar, tabatey tambe Presidente di World Aquatics Federation, Federacion di Natacion Aruba y Comite Olimpico Arubano.

   Alabes durante e encuentro aki, a formalisa e contract pa e di dos piscina na e facilidad di Piscina Olimpico Roly Bislik.

   Sheikh Joaan Bin Hamad Al Thani ta e actual President di e Olympic Council di Asia y a comparti su interes y compromiso den yuda sigui desaroya deporte den region y Aruba.