ORANJETSAD (AAN): Minister Geoffrey Wever ta expresa su felicidad cu nombramento di e prome Ombudsman di Aruba, mr. señora Jurima Bryson.
E nombracion aki no solamente ta un paso historico, pero tambe un paso necesario pa fortifica e defensa di derecho di nos pueblo y pa proteha e homber chikito contra cualkier tipo di abuso of inhusticia. Ombudsman ta cumpli un rol esencial como defensor di pueblo, promoviendo transparencia y husticia den e sistema.
Minister Wever ta desea Señora Bryson tur clase di exito y perseverancia necesario den e responsabilidad nobo aki, pa asegura cu su rol ta sirbi pa fortalece e confianza di pueblo den nos sistema gubernamental y pa sigui defende derecho di cada ciudadano Arubano.
“Nos ta celebra e paso historico aki y ta brinda nos apoyo completo na Señora Bryson den su desafionan noble y importante pa pueblo,” Wever a bisa.
