Ministro Endy Croes a sorprende famia di Omira y Riri Botta

Felicitando pa e 45 aniversario di El Gaucho Restaurant

ORANJESTAD (AAN): Recientemente Minister Endy Croes a sorprende famia señora Omira y señora Riri Botta di El Gaucho Restaurant en conexion cu nan 45 aña di existencia. Na unda cu den nomber di Gobierno di Aruba e Mandatario a haci entrega di un reconocemento special.

   ‘Masha danki pa kere den economia di pais Aruba y pa brinda oportunidad na nos hendenan pa por traha na e restaurant’, e Mandatario a expresa. Boso a traha duro pa por a logra awe 45 aniversario. Minister Endy Croes a sigui bisa nos ta orguyoso di cada un di bosonan.  Danki pa contribui grandemente na e desaroyo y economia di nos pais. E Mandatario a agrega cu tin algo cu ta conecta nos, esta deporte sr. Angel Botta tata di señora Omira y señora Riri Botta ta un gran fubolitsa. Mi tabata traha di cerca cu sr. Ramon Lee tempo nos construi e ‘technical center’ na Noord cu a hiba e nomber di Angel Botta.

   Un momento hopi importante sigur, na unda a recorda y repasa e bunita historia di El Gaucho Restaurant Aruba, emocionnan sigur a domina di recorda tur esfuerso y dedicacion di famia Botta durante un trayectoria gigantesco den e mundo di Restaurant pa Aruba.

Señora Omira Botta a gradici e Mandatario pe sorepresa ameno y agradabel. ‘Nos ta aprecia  presencia y  atencion di Minister Endy Croes pa cu nos, nos no a spera esaki’, sra Botta a expresa.  El Gaucho restaurant a kere den Aruba, nos a sigui dilanti apesar di tur problema. Ohala Dios duna nos forsa y otro generacion hopi aña mas pa por sigui. Masha pabien na e famia grandi di El Gaucho Restaurant.