Ministro Dowers a inaugura luznan di Pasco na rotonde Essoville

ORANJESTAD (AAN): Recientemente a habri temporada di fiesta cu AWSS pariba na San Nicolas. 

Aki Ministro Arthur Dowers a ricibi e honor di bay cende luznan di Pasco na e rotonde chikito na cruzada di Bernhardstraat y Schaepmanstraat, conoci como ‘Rotonde Essoville’.

    Ministro a keda impresiona cu e bon trabao haci, y el a duna palabra di danki na tur a haci e proyecto aki posibel.  Aunke e rotonde ta chikito, toch mentenan creativo a crea un berdadero “hardin di Pasco” cu luznan perfectamente poni, cu un Kerstboom grandi, diferente simbolo palma decora, cu perfecto landscaping, y un Santa Claus tambe mey-mey di e rotonde.

   Ministro Dowers a duna un mensahe positivo tambe: “Temporada di fiesta ta un bunita oportunidad pa nos ta rond di nos sernan keri. Corda cuida otro y disfruta di e tempo aki.”