Webinar riba Dia Mundial di Turismo -- ORANJESTAD (AAN): Diahuebs mainta, via di un Webinar organiza pa Aruba Tourism Authority,
a suministra un monton di informacion y pone spotlight riba algun compania nobo cu a cuminza ofrece nan servicionan, desde cu e pandemia a afecta Aruba.
Tur esey den cuadro di World Tourism Day, cu ta oficialmente Dialuna 27 di September 2021, pero cu ATA a dicidi na festeha riba Diahuebs 23 di September. E anfitrionnan di e Webinar tabata Mark Benson Denz y Jennifer Richardson
Un di esnan cu a hiba palabra prome na e Webinar tabata Ministro di Turismo, Dangui Oduber. Dado momento e anfitrion Mark Benson Denz a puntra Oduber, si acaso e ta considera su mes como un ‘Beach Person”.
Ministro Oduber a bisa definitivamente, y cu mescos cu cualkier otro local riba e isla, e ta considera su mes como un ‘Beach Person’, e ta trata di bay beach como 3 of 4 biaha pa siman.
Con Ministro ta haya chens di bay beach asina hopi biaha, como un persona hopi druk?
“Mi ta trata di pone Beach como un prioridad,” Ministro Oduber a contesta. “E ta importante pa mi relaha, pa mi ‘peace of mind’, y recharge pa asina cuminza siman mas fresco.”
