Ministro di Enseñanza di Hulanda a conoce Universidad di Aruba mas di cerca

ORANJESTAD (AAN): Recientemente, Minister Hulandes pa Enseñansa, Cultura y Ciencia, esta Robbert Dijkgraaf tabata na Aruba.

   Durante su estadia Minister Dijkgraaf tabatin diferente reunion y a bishita diferente scol y instituto educacional e.o. Universidad di Aruba.

   Minister Endy Croes y miembro di Colegio di Supervision di Universidad di Aruba, Sr. Angelo Brete a yama Minister Dijkgraaf bonbini na Universidad di Aruba. Despues, Prof. dr. Viola Heutger a duna e dignatario un tour di e scol.

   Den ora di atardi a sigui cu presentacion den e aula di Universidad di Aruba, unda cu e decanonan a presenta e status di nan facultad-, inscripcion-, exito- y retonan.

   Concluyendo Minister Endy Croes a expresa cu e tabata un atardi ameno y cu nos lo sigui traha hunto pa asina mehora y brinda mas oportunidad na nos studianten.