ORANJESTAD (AAN): Diabierna merdia Minister di Turismo y Salud Publico sr. Dangui Oduber tabata invita na un ceremonia priva di famia di Señora Swinda Dumfries.
Señora Dumfries ta labora na JGZ, Directie Volksgezondheid Aruba (DVG) y a ricibi condecoracion for di Gobernador Alfonso Boekhoudt den nomber di Rey Willem Alexander pa su esfuerso y dedicacion boluntario na pais Aruba. En especial pa señora Dumfries su trabao comunitario pa Aruba su muchanan y hobennan riba e tereno di salud. Minister Dangui Oduber a pasa expresa su gratitud pa e bunita trabao boluntario cu Señora Dumfries a bin ta haci pa hopi aña.
Ta di remarca cu gobierno ta pone hopi importancia na e condecoracion aki, mirando cu Aruba tin hopi persona cu ta haci trabaonan boluntario, banda di nan trabao principal y sigur ta pa gracidici cada un di nan pa nan esfuerso y e trabao bunita di boluntad.
Minister Dangui Oduber ta felicita tur e 18 personanan cu a ricibi e reconocemento awe y sigur kier gradici especialmente dos persona cu a ricibi lid in the orde van Oranje-Nassau, Señora Swinda Martha Claire Dumfries y Sr. Señor Dionisio Fecito Richardson pa nan trabao den salud publico y pa nan reconocemento ehemplar den nos comunidad.
Finalmente, como Minister di Turismo y Salud Publico eta un honor pa reconoce y duna merecidamente hendenan asina cu ta pone nan curason y dedicacion di nan mes pa yuda otro den comunidad di Aruba. Hopi danki pa e bunita trabao di curason.
