ORANJESTAD (AAN): Recientemente Minister Endy Croes a atende e “Client Appreciation Event” organiza pa Elite Productions & Entertainment pa gradici nan cliente pa nan sosten durante 15 aña.
Tambe presente na e ocasion special aki, tabatey Minister Xiomara Maduro y Parlamentario Alvin Molina.
Un anochi yena di innovacion, gratitud y alegria. Un di e “high light” di e anochi tabata e Keynote Speaker Sr. Pierre Hacher, “Top Music Lawyer” di Merca pa Billboard Magazine y experto renombra den e industria di entretenimento. Sr. Hacher a duna un tremendo presentacion di e topico “The Power of Customer Experience & Authenticity”. Durante e evento a ilustra e ultimo den tecnologia y innovacion den audio visual.
Como muestra di aprecio y gratitud a soprende e invitadonan presente cu presentacion di, entre otro, Jeon. Tambe na e ocasion special aki, a brinda pa e 15 aña di Elite den e mundo di entretenimento. Concluyendo, Minister Endy Croes ta gradici Elite Productions & Entertainment pa e invitacion alavez, ta felicita nan cu un excelente y innovativo evento.
https://diario.aw/categories/noticia/general/ministro-croes-felicitando-compania-local-elite-productions-cu-nan-15-ana-di-inovacion#sigProId4a799f8545
