ORANJESTAD (AAN): Diahuebs 29 di september, riba Dia Mundial Maritimo, Minister Arends hunto cu directiva di Directie Scheepvaart (DSA) a elogia diferente hubilario.
Asina aki a celebra 25 aña den servicio di Pais Aruba di señora Deta Barrera, sr.Remy Briesen, sr. Ralph Dinzey y sr. Egmond Molina. Alavez a celebra 30 aña di sr. Alexander Henriquez den servicio di Pais Aruba. Por ultimo tambe a gradici Sr. Luis Tromp cu a baha cu pensioen bon mereci pa su dedicacion y amor pa e trabao cu el a desplega durante tur e añanan na DSA.
“Mi ta contento di por a pasa un rato na Directie Scheepvaart riba dia Dia Mundial Maritimo Mundial y celebra esaki cu diferente hubelario”, Minister Arends a expresa.
Minister Arends ta gradici full e team di DSA pa nan dedicacion cu nan tin pa nan trabao. Tambe a haci uzo di e oportunidad pa a vocifera minister su compromiso cu DSA y e sector maritimo pa logra eleva esaki como un sector prometedor den Aruba su economia y alavez garantisando e siguridad den nos awanan y hafnan.
