ORANJESTAD (AAN): E siman aki, Minister Ursell Arends ta na Republica Dominicana pa asina tuma parti na un simposio importante den cuadro di aviacion.
Esaki ta e ICAO Global Implementation Support Symposium 2024.
Hunto cu Director di Directie Luchtvaart, Sr. Edwin Kelly, nan a topa cu Secretario General di International Civil Aviation Organization (ICAO), esta Juan Carlos Salazar y cu Deputy Director di Capacity Development and Implementation (CDI), esta Jorge Vargas.
For di 30 di april te cu 2 di mei, Instituto Dominicano di Aviacion Civil a organiza e evento cu tin como meta pa mustra e ultimo hermentnan digital di ICAO. Tambe lo discuti iniciativanan clave, esfuersonan di colaboracion pa sostene resiliencia di aviacion, stimula inovacion, promove desaroyo sostenibel, y brinda solucionnan operacional.
