ORANJESTAD (AAN): Durante e bishita di Minister di Naturalesa, Sr. Ursell Arends na e Ocean Conference 2022 a topa cu e delegacion di Curaçao,
representa pa Minister di Salubridad Publico, Medio Ambiente y Naturalesa, señora Dorothy Pietersz-Janga y Minister Plenipotenciario, sr Carlson Manuel.
E United Nations Ocean Conference 2022 a worde organiza door di e mandatarionan di Kenya y Portugal, y a tuma luga na Lisboa. E meta di e conferencia aki ta pa mundo henter aborda e problema y restructura solucionnan comun cu ta ancra den e Sustainable Development Goals (“SDG’s”).
Minister Arends a atende varios diferente reunion nan durante e Ocean Conference 2022, caminda tambe tabata tin e oportunidad pa combersa cu delegacion di Curaçao unda a dialoga riba potencial pa colaboracion y crea lasonan mas estrecho entre e islanan pa hisa e calidad di bida marino rond di nos islanan.
Minister Ursell Arends ta gradici e delegacion di Curaçao pa nan bunita gesto y representacion na e Ocean Conference 2022 y ta desea nan exito cu nan metanan y proyectonan encuanto e recuperacion y salbacion di e oceano, e oceano cu nos ta comparti cu nos hermana isla Curaçao y cu ful mundo.
