ORANJESTAD (AAN): Recientemente minister di Cultura, Xiomara Maduro, a reuni cu e comision nacional y secretariado di UNESCO aki na Aruba.
DIARIO a compronde cu e reunion aki tabata den cuadro di un presentacion cu e secretariado a haci na minister Xiomara Maduro pa present'e cu nan mision, mandato, vision, nan forma di traha, e materia cu nan lo enfoca riba dje y nan meta pa 2022-2023.
Minister Xiomara Maduro ta gradici e comision nacional y secretariado di UNESCO Aruba pa e presentacion ricibi cu a brinde un bista mas amplio di tur e trabaonan cu UNESCO Aruba ta haci riba nos pais.
