SANTO DOMINGO: Ta keda demostra cu Republica Dominicana ta actualmente un ‘trampolin’ importante pa cocaina.
Oficialnan di grupo anti droga DNCD na Republica Dominicana, a logra intercepta un cargamento di 266 paki yena cu cocaina, na Puerto Caucedo. Esaki ta un waf cu tin djis un tiki zuidoost di Santo Domingo.
E droga a wordo haya durante cu ta revisando decena di container cu tabata di transito na e pais, y ora di a haci un inspeccion mas riguroso, a bin haya diesun bulto, den cual tin 266 paki di cocaina.
Informacion di DNCD ta mustra cu e container tabata di transito procedente di Merca y su destino final tabata Belgica. Pa purba di despista autoridad, tur diesun bulto a wordo scondi mey-mey di un carga di insecticida industrial ‘Glyphosate’.
