ORANJESTAD (AAN): Riba Diamars, e delegacion di Aruba cu ta di bishita na Washington na Merca,
tabata tin e placer di reuni cu Eugene Rhuggenaath, kende ta Executive Director di World Bank.
Ministro Geoffrey Wever kier a gradici Sr. Rhuggenaath pa su disponibilidad y pa ta habri pa pensa hunto cu e islanan den region y explora manera pa amplia uzo di e recursonan cu World Bank tin disponibel.
Segun Ministro Wever, tabata un placer pa mira un ciudadano di nos hermana isla Corsou cu a yega asina leu riba e scenario profesional internacionalmente. Ministro a gradici Rhuggenaath pa e cordialidad y recepcion caluroso.
