Ministro a keda impresiona cu presentacion di Banco Central di Aruba

ORANJESTAD (AAN): Recientemente Ministro Geoffrey Wever a participa na Business Days 2026 di Centrale Bank van Aruba, bao di e tema “Leading with equity, anchored in the future”.

   Un encuentro importante caminda sector financiero, Gobierno y otro actornan clave ta comparti conocemento y dialoga riba e direccion economico di nos pais.

   Durante e evento CBA a presenta su plan strategico 2026-2030, “Ancra den Futuro”, hunto cu su “Economic Outlook” pa 2027 y investigacion nobo cu ta enfoca riba e maneho, oportunidadnan y alternativanan cu Aruba mester considera mirando pa 2040.

   “Pa mi, e tipo di dialogo aki ta esencial. Bon maneho economico no ta solamente traha riba e reto di awe; mester anticipa, planifica y crea e condicionnan pa Aruba por sigui desaroya cu stabilidad, oportunidad y confianza,” Ministro Wever a declara.

   El a finaliza bisando: “Como Gobierno nos tin e responsabilidad pa sigui fortalece e colaboracion cu institucionnan clave manera Centrale Bank van Aruba, uza data y investigacion como base pa nos decisionnan y mantene un vision cla pa futuro.”