ORANJESTAD (AAN): Regularmente Ministro Geoffrey Wever ta reuni cu directora di Departamento di Asuntonan Economico riba implementacion di gobierno su maneho economico.
Den e ultimo reunion aki, Ministro y esnan di Asuntonan Economico a elabora riba varios topico manera e creaccion di e fondo di inversion, diferente programanan cu ta worde ehecuta y financia cu fondonan di Union Europeo manera Mobility/ EV’s y Energy Regulator, adaptacion di e ley pa permiso di negoshi, e Koopkrachtplan, y diferente prioridadnan di maneho.
Na opinion di Ministro Wever, un dialogo continuo cu Departamento di Asuntonan Economico ta importante pa pusha ehecucion di gobierno su maneho economico cu ta trece beneficio pa desaroyo di Aruba su economia.
