ORANJESTAD (AAN): Minister Maduro tabata presente na e acto di graduacion di un grupo grandi cu a gradua pa e estudio di Teologia Fundamental brinda pa ITER, Instituto Teologico para Estudios Religiosos di Caracas.
E estudio a cuminsa na aña 2019 y a worde duna pa profesornan di ITER cu tabata biaha bin Aruba pa facilita e estudio na Centro Pastoral Aruba.
Pa e bunita ocasion Minister Maduro a hiba palabra pa felicita e grupo grandi di maestro y otro persona den comunidad cu a sigui e estudio cu exito.
Hende no ta biba di awa, cuminda y aire so. Nos spirito tambe mester worde alimenta desde chikito cu e palabra di Dios pa asina nos por ta fuerte.
