Ministro a entrega premio na ganadornan di ‘Kibra Coco’

ORANJESTAD (AAN): E siman aki, e ganadonan di competencia virtual Kibra Coco - Edicion Dia di San Juan

- Dera Gai a ser ricibi pa Minister di Cultura señora mr.  Xiomara Maduro na Bestuurskantoor.

   E mandatario a gradici tur e muchanan di scol pa nan participacion den e programa. Despues Minister Maduro a yama e muchanan padilanti pa nan por ricibi nan premio.

   E ganadonan di prome tanda na prome luga ta Von Werleman di Prinses Amalia Basisschool, di dos luga ta Iva Werleman di Prinses Amalia Basisscchool y di tres luga ta Gemilyanne Geerman di Maria Goretti College.

   Di dos tanda na prome luga Gerson Winklaar di Maria School, di dos luga ta Gadiel Maduro di Cacique Macuarima School y di tres luga ta Guivan Monart di Maria School.

   Di tres tanda ta prome luga Ariella Werleman di Colegio San Hose, di dos luga Shakjen Maduro di Colegio San Hose y di tres luga ta Javen Croes di Maria School.

   Tur mucha a keda masha contento cu nan premio. Minister di Cultura a gradici Comision Celebracion Dianan Nacional pa organiza e competencia, tambe a gradici pa nan cooperacion e comision di docentenan, Departamento di Cultura, Archivo Nacional Aruba y Setar NV y Telearuba. Un danki na sr. Levy Geerman di Povi-Tree Advertising, DIARIO TV Aruba y Thunder & Lightning pa nan bon servicio. E mandatario ta hopi contento di e reaccion ricibi den comunidad pa e programa virtual aki cual tabata di su tres edicion pa aña 2022 y ta keda pendiente pa e proximo edicion di Kibra Coco.