Investigacion riba director di DIP y ex-Ministro Lopez Tromp
ORANJESTAD (AAN): Na juni 2021 Ministerio Publico a ricibi informacion for di cual lo por sali cu lo tin iregularidadnan tumando lugar na DIP (Directie Infrastructura y Planificacion) relaciona cu dunamento di permisonan y huurgrond.
E director lo a crea un sistema di computer ‘cera’ pa kita iregularidadnan di bista di supervision y control.
Bao guia di Ministerio Publico, Landsrecherche a cuminza un investigacion penal bao di e nomber Kukwisa.
Den e investigacion aki a scucha R.H.C., director di DIP, y tambe señora Lopez-Tromp, ex-minister di planificacion, infrastructura y medio ambiente, como sospechoso.
Despues di un investigacion amplio y largo den cual tabatin huiszoekingnan, a scucha testigonan y a investiga documentonan, Ministerio Publico a yega na e conclusion cu no tin suficiente prueba cu C. a haci su mes culpable na abuso di poder. No a resulta nada concreto di un sistema di computer ‘cera’.
E sospecho contra e ex-minister tampoco no a resulta hustifica. Den e periodo cu Lopez-Tromp tabata minister, el a ehecuta e maneho di gobierno pa pone huurgrondnan (particulier) pa agricultura na disposicion di ciudadanonan di Aruba.
E casonan penal contra R.H.C. y Lopez-Tromp a worde ‘seponeer’ door di Ministerio Publico. Tur dos a worde poni na haltura caba di esaki.
