ORANJESTAD (AAN)/Den Haag – Minister Plenipotenciario demisionario y alabes Representante di Aruba na Union Europeo mr. Ady Thijsen tabata
e keynote speaker na e aperura di e “Green Overseas Climate Finance Forum” cu ta tumando lugar na Bruselas.
E foro aki a keda organisa pa Green Overseas Program cu ta wordo financia pa e Comision Europeo.
E participantenan na e foro ta paisnan LGO, ex paisnan LGO Britanico y diferente organisacionnan riba e tereno di Financia y Cambio di Clima.
Esencia di e foro ta cu door di e cambio di clima e paisnan LGO tin di haber cu hopi retonan y tur esaki ta costa hopi cen. Durante e siman aki lo intercambia di pensamento y ideanan con mester enfrenta e retonan aki y pa haya financiamento pa nan.
Sr. Thijsen a hiba un discurso como presidente di e Executive Committee di OCTA. Na final di e siman e mandatario lo tene un biaha mas un discurso, pero e biaha aki den nomber di Prome Minister demisionario di Aruba mr. Evelyn Wever-Croes cu no por tabata presente na e foro.
E potretnan ta cortesia di Arubahuis
