×

Warning

JFolder: :files: Path is not a folder. Path: /home/diario18/public_html/images/Minister Presidente tabata orador na varios encuentro di innovacion
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/Minister Presidente tabata orador na varios encuentro di innovacion
General Hits: 518

Minister Presidente tabata orador na varios encuentro di innovacion, durante reunionnan na Nacionnan Uni

General Hits: 518
Minister Presidente tabata orador na varios encuentro di innovacion, durante reunionnan na Nacionnan Uni
General Hits: 518

ORANJESTAD (AAN): Durante e reunionnan na Nacionnan Uni, Prome Minister Evelyn Wever-Croes a asisti na varios encuentro riba e tema di innovacion.

Mastercard  - e-government

Como invitado special, Prome Minister tabata un orador na e conferencia cu Mastercard a organisa riba e tema di e-government, y con por incorpora digitalisacion den departamentonan di gobierno. Mirando e importancia di esaki, Gobierno, a traves di Futura a cera un MOU cu Mastercard, cu ta dispuesto pa asisti Aruba riba e tema aki.   

Google

Aparte di Mastercard, Prome Minister tabata un orador invita tambe na un conferencia cu Google a organisa. E conferencia aki a dirigi su mes riba e inciativa cu Google a lansa, na unda kier yega na 25 miyon mucha muhe rond di mundo, pa por prepara nan, y siña nan tocante "artificial intelligence" pa asina nan por bira "future shapers".  Ta importante pa e mucha muhenan haya un extra empuhe pa asina nan tambe por participa den e trabounan cu lo bay tin den futuro. 

Manera ta conoci, no ta tur ora e mucha muhenan ta esunnan mas interesa den aspectonan technico, y p’esey hunto cu Google a lansa e iniciativa aki, cu Aruba tambe ta parti di dje, pa wak si por crea e interes tecnico den e mucha muhenan. 

Supernova

Tambe, Prome Minister a comparti e proyecto di Supernova cu ta un proyecto cu Gobierno di Aruba tin a traves di Futura, na unda ta purba na yega mas mucha muhe cu ta posibel pa asina lanta e interes pa tecnologia entre nan. 

Edutech

Por ultimo, Prome Minister hunto cu e "Deputy Executive Director' di UN Women, sra Sarah Hendriks tabata orador na un encuentro na unda a toca e tema di innovacion den enseñansa. Aki, Prome Minister a trece dilanti e proyecto di Edutech y e importancia pa trece digitalisacion den enseñansa. Un encuentro sumamente interesante organisa pa Union Europeo. Tambe, Prome Minister a trece dilanti cu di Union Europeo, Aruba por adkiri fondo pa yuda cu proyectonan di innovacion.

{gallery}Minister Presidente tabata orador na varios encuentro di innovacion, durante reunionnan na Nacionnan Uni{/gallery}