Minister-President Schoof a bishita Base Naval Parera na Corsou 

ORANJESTAD (AAN):  Durante su bishita na e parti di Caribe di Reino, Minister-President Dick Schoof a hasi un bishita di trabou riba Diadomingo 11 di Mei,

na e Comandante di Forsanan Naval den Region Caribe (CZMCARIB), Komandur Walter Hansen. 

            Na Base Naval Parera na Corsou e Minister- President a haya informacion amplio tocante e tarea y responsabilidadnan di Defensa y Wardakosta den Region Caribe.  Den esaki el a keda informa tocante presencia militar, operacionnan y colaboracionnan cu socionan di seguridad.

            E enfasis tabata riba e tensionnan creciente geopolitico  den region Caribe y e movecion den direccion di e prome tarea principal di Defensa: proteccion di e parti Caribense di Reino. 

            Durante  e combersacion tambe a discuti tocante temanan actual, tal manera combatimento di criminalidad transfronteriso, yudansa humanitario y e rol di Defensa den dunamento di yudansa ora paisnan den Caribe pidi esaki. 

            Despues di e informacion, Minister-President Schoof y Komandur Hansen a haci un biahe cortico  abordo di un Metal Shark di Wardakosta Region Caribe. Siguientemente a tene un conferencia di prensa na Base Naval di Parera, durante cua e Minister-President a enfatisa con importante ta cu e fronteranan exterior di Reino keda debidamente vigila. Specialmente den e temponan aki di intrankilidad geopolitico.