Minister Plenipotenciario cu bishita di cortesia Embahador di Belgica

Minister Plenipotenciario cu bishita di cortesia Embahador di Belgica

ORANJESTAD (AAN): Minister Plenipotenciario di Aruba Mildred Schwengle a haci un bishita di cortesia na embahador di Belgica na Hulanda Koen Adam.

Durante di e combersacion Minister Schwengle a duna e embahador un bista amplio riba Aruba y e desaroyonan actual. Tambe a papia riba otro puntonan di interes den e relacion entre Belgica y Aruba y pa sondea riba cual tereno por bin cooperacion entre ambos pais.

   Prome cu embahador Adam a asumi e puesto na Den Haag, e tabata secretario-general di e ministerio pa Asuntonan Exterior. Den su carera diplomatico Koen Adam tabata embahador pa Belgica na Uganda, Cuba, Tanzania y Serbia.  E potret ta cortesia di Kabinet di Aruba.