Minister Oduber cu felicitacion na 28 empleado di Divi resort riba nan aniversario

ORANJESTAD (AAN):  Diaranson anochi a tuma lugar un ceremonia den e ballroom di Alhambra caminda a duna reconocimento na 28 empleado di Divi Resort.

Aki e Director General di Divi & Tamarijn Sr. Marin Bijl a haci e entrega na su empleadonan.

            E trahadornan aki a cumpli nan aniversario den e segundo cuartal di aña 2022. Minister Oduber no por tabata presente pero manera semper Ministerio di Turismo y Salud Publico tambe a presenta  un plakaat pa asina duna e trahadornan den hospitalidad nan reconocimento mereci.

            E 28 empleadonan aki ta traha den diferente area y diferente resort di Divi.

8 empleado a cumpli 5 aña di aniversario

3 empleado a cumpli 10 aña di aniversario

8 empleado a cumpli 15 aña di aniversario

1 empleado a cumpli 20 aña di aniversario

3 empleado a cumpli 25 aña di aniversario

2 empleado a cumpli 30 aña di aniversario

1 empleado a cumpli 35 aña di aniversario

2 empleado a cumpli 45 aña di aniversario

            Un pabien sigur na sra. Emelinda Tromp y sr. Jorge Lugo cu ambos a cumpli 45 aña di Aniversario, esaki sigur ta di aplaudi. Emelinda a cuminsa traha Room Attendant den e compania na 6 di mei aña 1977, e tempo ey Emelinda tabata tin 17 aña di edad. Jorge a cuminsa su trayectoria na 24 di juni aña 1977 trahando como Houseman. Despues Jorge a traha como busboy, waiter, captain y desde 1989 como F&B supervisor.

                        Minister Dangui Oduber ta manda palabranan di felicitacion y aprecio na tur e empleadonan di Divi Resort. Cada un di bosonan ta contribui grandemente cu e sector turistico, brindando servicionan di calidad na nos bishitantenan.

            Minister Oduber ta bay sigui brinda e tipo di reconocimentonan aki na nos embahadornan turistico, paso nan ta e weso di lomba di e industria importante aki. Turismo ta nos unico pilar economico y ta e driver di nos economia.