ORANJESTAD (AAN) – Minister Geoffrey Wever, a yama un conferencia di prensa, unda el a splica cu parti di su maneho como minister di Economia,
tabata pa busca mas pilar economico, y purba diversifica Aruba su economia.
E mandatario a señala cu el a identifica, hunto e sector y cu departamento di Asuntonan Economico, e principio di gobernacion cu e industria creativo tin un potencial grandi, y cu tin hopi hende activo caba den e industria aki, den e asina yama “Orange Economy”.
“Y nos ta mira cu tin un potencial pa sigui desaroya e industria aki, y pa e motibo aki e Ministerio di Asuntonan Economico, a desaroya un politica pa desaroya e orange Economy, y tambe a busca mas stakeholders, pa coopera y pa busca un expansion pa e industria aki”, e dignatario a señala. Den e sondeo aki nos a yega for di e sector cu e pregunta semper cu mester di mas capacity building, mester mas conocemento, mester financiamento, y asina ey nos a drenta den un partnership importante, cu un di e stakeholders cu nos ta custumbra di traha cu ne, cu gobierno ta coopera cu ne, cu ta Qredits Aruba”, e dignatario a señala.
E mandatario a anuncia hunto cu Qredits Aruba, cu nos ta bay cuminza cu e “Business Qredits Academy”, cu ta un proyecto cu a origina di parti di Qreditis, hunto cu gobierno. Gobierno a aloca fondonan y Qredits ta bay ehecuta e proyecto. Asina Minister Geoffrey Wever a subraya.
