ORANJESTAD (AAN): Diahuebs ultimo Minister Wever tabata tin e honor di a combersa un rato cu Sr. Paul Hector cu ta Communication & Information Advisor na UNESCO pa mas di 20 aña caba.
Sr. Hector a bin di bishita na Aruba pa 'International Day for Universal Access to Information' cu tabata 28 di september. Durante e bishita di Sr. Hector hunto cu Marushka Tromp y Brigit Kreykenbohm di UNESCO Aruba, Minister Wever a combersa kico ta e colaboracion cu por wordo haci entre Gobierno y UNESCO. Asina aki Minster Wever a expresa e desea di start un masterclass pa nos periodista nan local pa asina ofrece diferente curso y training.
Pa UNESCO informacion pa pueblo, pues accesibilidad ma informacion corecto ta hopi importante y den e cuadro aki Minister Wever a duna Sr. Hector un splicacion amplio tambe di e proyecto di NSS cu ta den su fase di ehecucion.
NSS lo bira un vehiculo importante cu lo duna data al caso di desaroyo nan di nos Pais pa asina por tuma decision nan abase mas mihor y corecto posibel. UNESCO dentro di poco lo duna Minister Wever un propuesta con nan por yuda Aruba concretamente.
