Aruba ta den top 2 na mundo den divorcio
ORANJESTAD (AAN): Recientemente Minister Endy a reuni cu sra. Michella Steenvoorde-Laclé di comision ‘Voortgezet Ouderschap Aruba’ unda a toca di varios tema cu ta bay ricibi atencion di Ministerio di Enseñansa y Deporte durante e proximo cuatro añanan.
Minister Endy Croes a haya un presentacion di e proyecto y plan den su totalidad door cu enseñansa tambe tin un rol importante den esaki.
Ta trata aki pa pasa un ley di un plan obligatorio pa mayornan cu ta divorcia unda mester laga cuido pa e mucha bon regla prome cu divorcio. Aruba ta den top 2 na mundo den divorcio. Tin un averahe di 1300 tata ta cria nan yiu via di Directie Voogdijraad. Ta trahando riba e ley aki pa asina percura pa prome cu divorcio e parti di e yiunan keda bon regla atraves di un plan di e propio mayornan. Paso mayornan tin un responsabilidad comparti pa cuida nan yiunan.
E mandatario a enfatisa cu e reunion a bay den un bon atmosfera y su deseo y empeño ta pa soluciona problematicanan mas tanto posibel, crea espacio pa trankilidad, paz y mehoracion den e tereno di Enseñansa.
