Minister Endy Croes a duna e gran inicio na e excelente Sunset Parade di Noord 2023

ORANJESTAD (AAN): Diaranson ultimo, a tuma luga di nuebe edicion di e Sunset Parade den e bario di Noord.

E parada a sali pa 7’or di anochi y a conta cu nuebe grupo e.o.  grupo di carnaval, diferente banda, steel band, brassband, DJ y last lap. Sunset Parade a cuminsa for di Cheng’s Supermarket y a finalisa na CMB branch.

            Minister Endy Croes acompaña pa su esposa Dilailah Croes – Odor y famia a disfruta di e bunita Sunset Parade. Un publico sumamente grandi a disfruta di e parada cu hopi zjeito, un ambiente total.

            Minister Croes ta felicita Bernardito Faro y ekipo cu a organisa un tremendo Sunset Parade. Minister Endy Croes ta desea pueblo di Aruba un dushi y safe Carnaval 69.