Minister di Enseñansa Gerlien Croes a bishita Conferencia Docente Ekipa

ORANJESTAD (AAN); Minister di Enseñansa, Gerlien Croes tawata presente diabierna 26 di september na e Conferencia Docente Ekipa.

E minister ta gradici Tienda di Educacion cu a haci esaki posibel. Den e conferencia aki, docentenan di scol y educadornan cu ta traha na Traimerdianan, ta participa y ta wordo ekipa cu ‘tips and tricks’ con pa anda cu desaroyo di nos muchanan.

   E minister a enfatisa cu tin hopi desaroyo cu ta hunga un rol hopi grandi riba e comportacion di nos muchanan pero cu alaves ta siña nan na manera diferente di locual tabata den pasado. Docente y educadornan cada bes mester haya e hermentnan pa keda ekipa den Enseñansa. Mas ainda awendia cu muchanan ta haya informacion tur caminda cu ta impacta nan comportacion.

   “Ta importante pa keda ekipa esnan cu ta carga e formacion den nos comunidad. Mi ta convenci cu esaki ta algo cu nos mester keda structura cu ta parti di e vision di nos maneho”, Minister di Enseñansa, Gerlien Croes a expresa.