Minister di Endy Croes y Prome Minister Evelyn Wever-Croes a reuni cu Dr. Charlotte Spanner Morrow

ORANJESTAD (AAN): Minister Endy Croes y Minister Presidente Evelyn Wever-Croes a reuni cu Dr. Charlotte Spanner Morrow y Sra. Suzy Maduro riba e trayectoria di Dr. Charlotte den programanan di enseñansa.

Dr. Charlotte Spanner Morrow ta un educado destaca na Merca y ta yiu di un ex - politico y defunto parlamentario di Aruba y a traha na Merca den diferente posicion, entre otro, como ‘Chief Executive Officer’ na scol na Ohio.

Minister Endy Croes a expresa cu e tabata un reunion fructifero cu diferente experticio den combinacion di Sra. Suzy Maduro y Dr. Charlotte Spanner Morrow. Dr. Charlotte den su carera den combinacion cu Suzy tin programanan hopi interesante pa entrena maestronan y cabesantenan di scol riba programanan di entre otro liderazgo. No obstante esaki Sra. Suzy Maduro ta hopi conoci den su ramo di comunicacion. Durante e reunion a presenta na Minister Endy Croes y Minister Presidente Sra. Evelyn Wever – Croes diferente posibilidadnan riba tereno di enseñansa.