Minister di Deporte ta felicita Aruba Softball Bond cu tres anochi di curso exitoso

ORANJESTAD (AAN): Recientemente a tuma luga curso pa umpires y scorers.

Tres anochi di curso duna pa umpire certifica pa World Baseball & Softball Confederation (WBSC) sr. Allan Koolmeyer di Curaçao.

            Sr. Koolmeyer a brinda informacion valioso y duna entrenamento riba e reglamentonan nobo di aña 2021 y 2022 tur esaki den preparacion pa e campeonato di ‘fastpitch’ di Aruba Softball Bond (ASB) cu ta inicia den e luna aki.

            Minister Endy Croes a haci acto di presencia y a felicita tur esnan cu tabata presente y termina e curso aki exitosamente.