Bon Pasco y hopi feliz Aña 2024
ORANJESTAD (AAN)—Den conferencia di prensa di gobierno, Minister Dangui Oduber, titular di Salud Publico y Turismo, a expresa su gradicimento na tur su partnernan den turismo y cuido medico, como tambe e personal di Ministerionan di Turismo y Salubridad Publico, respectivamente, tur e departamentonan y fundacion cu ta resorta bao su ministerio pa un bunita aña, den cual a logra bunita resultadonan pa progreso y bienestar unda nos por a comparti dos bon noticia pa nos pensionadonan. Un cu ta bay alivia nan poder di compra y hisa nan calidad di bida, y e otro ta e reduccion di prima di AZV pa nan. Danki na SVb y AZV pa percura pa esaki.
“Tambe mi kier desea nos comunidad feliz dianan di fiesta, un bon Pasco. Pasa esaki den compania di nan famianan, bo sernan keri. Mi ta desea na nos comunidad tambe y hopi feliz y prospero aña 2024, yena cu prosperidad, bendicion, amor, salud y progreso pa nos pais”, Minister Dangui Oduber a expresa.
