Minister Dangui Oduber contento cu aña 2022 a cera cu 100% recuperacion

ORANJESTAD (AAN): Minister di Turismo Dangui Oduber, Diahuebs mainta a referi tambe na e recuperacion di Aruba su turismo na cabamento di 2022 y inicio di 2023.

   E dignatario a expresa cu manera ta conoci, aña 2022 a resulta hopi positivo pa turismo di Aruba. El a bisa cu gobierno ta considera 2022 como un aña record, despues di dos aña di pandemia unda cu Aruba a recupera unda a cera e aña cu 100% di recuperacion, den comparacion cu aña 2019.

   Aña 2023 ta bayendo den mesun ritmo cu 2022. Luna di Januari a cera cu 105%. Casi 99 mil turista a bishita Aruba den luna di Januari y a registra un aumento substancial den e cantidad di placa (entrada) cu nos turismo a genera.