ORANJESTAD (AAN): Diaranson den oranan di atardi Minister di Enseñansa y Deporte sr. Endy Croes a reuni cu Directora di SKOA Sra. Anuesca Baly y Sra. Cavril Martijn-Rombley.
E mandatario a agrega cu a toca varios tema cu lo bay haya atencion di ministerio di enseñansa y deporte durante e proximo 4 añanan.
Minister Endy Croes su deseo y empeño ta pa soluciona problematicanan mas tanto posibel y crea espacio pa trankilidad y paz riba tereno di Enseñansa
Lo percura pa scucha cu hopi bon atencion cada preocupacion, analisa e dolornan y saca e puntonan di prioridad den e tereno importante aki, e mandatario a enfatisa.
"Nos ta kere cu si tin e boluntad di tur partido y nos tur kier e mesun meta, nos por logra esaki pa e causa comun cu ta progreso y bienestar general den enseñansa pa Aruba", a indica.
