Desde diasabra ultimo 2 di October - *Orario di ciere ta keda 12 a.m.
ORANJESTAD (AAN): Den fin di siman, riba diasabra 2 di October, Crisis Team a anuncia e flexibilisacion den mayoria di e medidanan pa loke ta e maneho di Covid-19 na Aruba.
E orario di ciere a keda mescos: 12 am.
Uso di Tapaboca ta keda obligatorio den tur establecimento, incluyendo gym y scol.
Pa loke ta Horeca esaki a cambia te na un maximo di 8 persona na mesa den restaurant (paden y pafo). Barnan y rumshops por tin maximo 4 persona na mesa, paden y pafo.
Comercio ta bek na 100% di capacidad (supermercado, cinema, tienda, misa).
Na entiero ta permiti awor un maximo di 150 persona, si e espacio ta permiti.
Cu e cambio aki ta permiti musica di background solamente y un maximo di 5 musico. No ta permiti pista di baile. Solamente 'satelite dancing' (cant'i mesa).
Pa loke ta bebidanan alcoholico, uso di alcohol riba propiedad publico ta keda prohibi henter dia.
Den tur establecimento nocturno ta permiti un maximo di 150 persona (si espacio ta permiti). Por tin solamente hende sinta. Mescos ta conta pa e musica (musica di background, maximo 5 musico) y bailamento ta limita na 'satelite dancing' (cant'i mesa).
Relaciona cu eventonan deportivo, publico por ta maximo 150 persona paden y 250 persona pafo..
Gebiedsverbod: Ta prohibi pa ta riba area publico, manera parkinglot, beach entre 7 pm y 5 am.
Bishita na cas, fiesta y encuentro social na cas of otro caminda ta permiti, cu un maximo di 150 persona paden y 250 persona pafo.
Samenscholingsverbod / Aglomeracion: un maximo di 8 persona.
Mester agrega tambe cu esnan 12 aña bay ariba cu kier haya vacuna por 'walk-in' na DVG di diamars pa diabierna di 8 am pa 11:30 am
