ORANJESTAD (AAN): Recientemente, Minister di Husticia, Integracion, Transporte Publico y Energia, mr. drs. Arthur Dowers,
a ricibi un presentacion amplio for di ehecutivonan di Compania Arubano di Petroleo (CAP) relaciona cu e status di trabaonan di exploracion di petroleo y gas natural. E reunion a enfoca riba desaroyo energetico sostenibel y responsabel.
Durante e presentacion, CAP a duna un update di e trabaonan cu ta den proceso door di Armstrong Oil & Gas den cuadro di exploracion di petroleo of gas natural den awanan teritorial rond Aruba. E proceso di exploracion ta avansa conforme planificacion tecnico, respetando tur norma internacional y rekisito legal cu ta aplica pa e tipo di actividad aki. E siguiente fase ta determina cua sitio ta mas prometedo pa inicia cu boramento, un proceso cu tambe lo rekeri su tempo y cautela. E fase den cual Armstrong Oil & Gas ta aden, ta uno hopi costoso pero necesario pa por yega eventualmente na boramento.
Esaki no ta un proceso rapido, sino un trayecto tecnico cu lo dura varios luna prome cu tin claridad total. E fase actual ta enfoca riba investigacion cientifico, coleccion di data y evaluacion geologico, cu lo sirbi como base pa cualkier decision den futuro. Transparencia, responsabilidad y interes nacional ta keda central den tur paso cu ta considera.
Minister Dowers a enfatisa cu gobierno lo sigui monitorea e proceso cu hopi atencion, teniendo como prioridad proteccion di medio ambiente, siguridad di comunidad y beneficio economico pa pueblo di Aruba. Cualkier desaroyo potencial den sector energetico mester tuma luga den un marco di sostenibelidad, cu respet pa nos generacion actual y futuro.
Minister Arthur Dowers ontving presentatie over olie-exploratie
Recentelijk heeft de minister van Justitie, Integratie, Openbaar Vervoer en Energie, mr. drs. Arthur Dowers, een uitgebreide presentatie ontvangen van de directieleden van de Arubaanse Petroleum Maatschappij (CAP) met betrekking tot de stand van zaken van de olie- en aardgasexploratie. De bijeenkomst was gericht op een duurzame en verantwoorde energieontwikkeling.
Tijdens de presentatie gaf CAP een update over de werkzaamheden die momenteel wordon uitgevoerd door Armstrong Oil & Gas in het kader van de exploratie naar olie of aardgas in de territoriale wateren rond Aruba. Het exploratieproces verloopt volgens de technische planning en met inachtneming van alle internationale normen en wettelijke vereisten die voor dit type activiteit gelden. De volgende fase is het bepalen welke locatie het meest veelbelovend is om met boringen te beginnen, een proces dat eveneens tijd en zorgvuldigheid vereist. De fase waarin Armstrong Oil & Gas zich momenteel bevindt, is zeer kostbaar maar noodzakelijk om uiteindelijk tot boringen te kunnen overgaan.
Dit is geen snel proces, maar een technisch traject dat meerdere maanden zal duren voordat er volledige duidelijkheid is. De huidige fase is gericht op wetenschappelijk onderzoek, dataverzameling en geologische evaluatie, die als basis zullen dienen voor toekomstige beslissingen. Transparantie, verantwoordelijkheid en het nationaal belang staan centraal bij elke stap die wordt overwogen.
Minister Dowers benadrukte dat de regering het proces nauwlettend zal blijven volgen, met als prioriteit de bescherming van het milieu, de veiligheid van de gemeenschap en het economisch voordeel voor het Arubaanse volk. Elke mogelijke ontwikkeling in de energiesector moet plaatsvinden binnen een kader van duurzaamheid, met respect voor zowel de huidige als toekomstige generaties.
