ORANJESTAD (AAN): Riba invitacion di Organizacion Internacional di Aviacion Civil (ICAO), Minister Ursell Arends kende ta encarga cu transporte, lo sali rumbo pa Mexico,
caminda lo tin un encuentro importante cu e grupo ICAO lo haya diferente presentacionnan pa loke ta e cumplimento di Aruba cu e normanan di ICAO.
Tambe lo haci palabracionnan riba plannan di accion pa mehora unda por drecha e cumplimento di Aruba y tambe lo elabora riba asistencia tecnico, den cuadro di e programa “No Country Left Behind” di ICAO.
E reunionnan aki ta di suma importancia pa asina asegura cu henter e sistema di aviacion di Aruba ta cumpli y lo sigui cumpli cu e normanan di ICAO, mirando cu nos turismo ta depende riba e sector di aviacion pa garantisa tur hende nan seguridad, y maneho di fluho di transporte aereo na e forma mas optimal posibel.
