ORANJESTAD (AAN): Ministernan Rocco Tjon y Endy Croes a reuni cu directiva di Fundacion Autismo Aruba (FAA) kende a presenta algun material cu a wordo crea pero tambe plannan di FAA pa cu aña 2022.
Aña pasa nan a traha cu diferente studiante pa asina crea material y plannan pa por sigui promove e tema di inclusion na Aruba, specialmente den areanan di educacion, social y salubridad.
Cerca Ministro a presenta e thesis di Ken Thiel, kende a caba su estudio na The Hague University of Applied Sciences. A ilustra e proyecto ‘Fidget Toys Manual’ presenta pa Shaylee Loopstok y Jary-Ann Geerman di IPA.
