Minister a bay mira anochi di graduacion na Colegio Bon Bini

ORANJESTAD (AAN): Tabata Diaranson cu Minister Dangui Oduber tabata tin e grato honor di asisti na e graduacion di Colegio Bon Bini.

E mandatario su mes ta un ex alumno di Colegio Bon Bini, caminda cu el a bay kleuter y basis school y el a gradua na 1991. E ta bisa cu p’e ta hopi special pa presencia e evento aki “pasobra Colegio Bon Bini ta e scol basico cu el a bishita pa hopi tempo, y e por comparti un tiki di su experiencia.”

   E mandatario a duna un speech caminda cu el a conseha e studiante nan pa studia hopi, keda responsabel y goza di e temponan cu nan tin nan dilanti. Educacion semper ta keda e yabi pa exito. Sr. Oduber a conclui e anochi felicitando tur e alumnonan pa nan logro, deseando nan tur hopi exito y cordando nan cu nan ta e futuro di Aruba.

   Por ultimo minister Oduber ta duna un danki di curason na tur e maestro y maestra nan cu ta haci nan esfuerzo tur dia pa educa nos muchanan y hiba pais Aruba dilanti. Danki pa e pasenshi y amor pa educacion.