ORANJESTAD (AAN): E ta un training cu ta esencial no djis pa esnan cu ta nabega, pero tambe pa autoridadnan cu tin di uza nan habilidadnan como parti di nan tarea principal pa haci rescate riba lama.
Y esey ta loke e personal di defensa abordo di e barco Zr.Ms. Pelikaan a haci recien riba Lama Caribe. Nan a tene un ehercicio pa check e draaiboek, ora cu un hende sali cay for di e barco. Pa asina mira si tur cos ta cana como debe ser, esta for di ora cu mira un marinero cay den awa, te con e mensahe ta ser pasa y e comando pa operacion ta start.
Un operacion cu ta inclui e persona tras di timon, te na esnan cu tin di baha boto pa bay yuda e persona den lama. E ehercicio aki di “Man Overboard” a resulta den bon coordinacion, y den minimo di tempo nan a logra di sali y rescata e persona.
