ORANJESTAD (AAN): Recientemente e miembronan di Kiwanis Club of San Nicolas, a goza di un sesion interesante suministra door di señor Ronald, di e compania Lopes Slot Training & Coaching VBA.
E sesion tabata pa yuda e compronde nan profil di DISC.
DISC ta yuda hende identifica cuatro estilo di comunicacion. “D” ta orienta pa resultadonan. “I” ta sociabel y persuasivo. “S” ta duna sosten y stabil. “C” ta orienta na detaye.
Unabes cada miembro haya sa cual ta nan estilo, e ta yuda henter e grupo tin mihor teamwork, incluyendo liderato. E miembronan di Kiwanis Club of San Nicolas a keda hopi impresiona cu e sesion aki di Profil di DISC.
