ORANJESTAD (AAN): Michael a bay cumpra number pa su wega faborito di Zodiac.
Aki el a escoge un number consistiendo di cuatro cifra, y a agrega su signo zodiacal. El a bira hopi feliz pa nota cu e numbernan a sali tambe!
Pesey riba Dialuna el a acudi na oficina di Lotto na Playa pa reclama su premio. Despues di a revisa su ticket, a scan esaki y a bin nota cu Michael a gana 10.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Michael a indica cu e ticket ganador mes el a cumpra na Roos Lottery.
