Franchesca Heinze directora di ATHA riba Dia Internacional di Hoben
ORANJESTAD (AAN) – Asociacion Trabao pa Hubentud, ATHA, tin diferente proyecto den desaroyo pa nos hobennan, entre otro un cu ainda lo desaroya e aña aki, cu ta siña hoben con pa traha cantica, con pa graba e cantica y con pa traha video clip di e cantica. E ora ey, ATHA hunto cu e hobennan lo promove nan produccion.
E proyecto aki ta dirigi na hoben entre 13 pa 17 aña, mescos cu otro actividadnan den futuro, y tambe ATHA lo desaroya actividad pa muchanan mas hoben.
Den cuadro di Dia Internacional di Hoben, cu ta wordo celebra awe, Dia 12 di Augustus, Directora di ATHA, Franchesca Heinze, a emiti e siguiente mensahe:
“Na e hobennan di parti di ATHA, mi kier encurasha boso pa boso expresa boso mes. No lubida cu ta importante pa expresa nos mes na un manera corecto, sin lubida respet. Pero papia, expresa bo mes, sea e voz di Aruba su futuro”! Franchesca Heinze, directora di ATHA, a subraya.
