Patrocina door di CMB N.V.
ORANJESTAD (AAN): Caribbean Mercantile Bank N.V. (CMB) ta desea awe pa enfoca bo energia riba cosnan positivo door di comparti su elegio pa su kerida empleado Sra. Ariana Koolman-Chirino cu su gran logro.
Ariana un empleado alegre, dedica y pasiona siman pasa a logra cumpli un soño di dje, cual ta publica su prome buki di poema. E buki titula “Mi bahul di poema” ta contene su inspiracionnan y visionnan pa cu e mesun publicacion. E presentacion oficial a tuma lugar na Biblioteca Nacional di Aruba, caminda den compania di su kerido familiarnan, amigonan, coleganan, madrina y padrino como tambe y sponsors a bautiza e publicacion den e miho forma.
CMB como un sponsor di e publicacion di Sra. Koolman-Chirino ta felicita y desee tur cos bon cu e buki. Un tremendo logro como artista y un gran inspiracion pa tur involucra den e arte di poesia den Papiamento. Cu pasion y dedicacion tur cos ta posibel.
