Minister Gerlien Croes, titular di Enseñanza:
ORANJESTAD (AAN)—Minister di Enseñanza señora Gerlien Croes, den entrevista cu DIARIO a expresa, cu ta lamentabel cu e docentenan na Aruba, no ta haya reconocemento. Esaki, el a expresa, ta su opinion personal.
El a bisa cu den e reconocimento aki, papia di e aspecto salarial ta un cos, pero duna nan tambe e balor cu nan merece, reconoce nan trabao, duna nan bek door di duna nan oportunidad pa haci curso, pa sigui studia, reconoce nan pa e trabao aki, y tur locual ta nan logronan.
“Nos tin cu bay na e momento aki, garantiza cu e grupo aki ta esun di mas importante den nos comunidad; nan ta inverti diariamente den e formacion di e alumnonan cu ta bira e ciudadanonan di e pais aki, y si e base aki no ta fuerte, kico nos tin pa papia di dje den e futuro di e Pais Aruba? Nos ta purbando poco, poco, na duna e sosten, e tools necesario, y nos ta canando cu varios proyecto, por ehemplo e ‘zorg structuur’, y ta bay trece mas ‘ondersteuning’ pa scolnan cu por ta mester di mas trahado social. A caba di haci e berzoek pa habri mas vacature pa cu esaki. Tur e cosnan aki, sino decision holistic di gobierno”, e mandatario a señala.
