Randy Maduro:
ORANJESTAD (AAN): Pa diadomingo awor, 27 di November, Santa Rosa lo ta organisando nan ultimo Mercado pa loke ta 2022. Randy Maduro, vocero di e Departamento di Cria y Pesca Santa Rosa, a duna di conoce cu tur cos ta cla pa diadomingo.
Nan ta bay tin riba 40 tent e biaha aki di diferente producto local manera cuminda crioyo, fruta, berdura y carni fresco, mata, entre otro.
Mercado Santa Rosa y Bazaar di Pasco ta tuma lugar di 9 am pa 2 pm diadomingo awor 27 di November.
Randy Maduro a haci un invitacion na comunidad completo pa pasa un dushi dia na Santa Rosa.
