ORANJESTAD (AAN): Partido MEP a nota cu Diaranson 4 di Juni, hues a duna veredicto di corte den caso di Mike de Meza contra DIMP.
Den su veredicto, hues a indica basicamente cu e no por atende e caso, y cu ta e formador mester atende cu e caso. Ademas, tur documento ta cerca formadornan Mike Eman y Gerlien Croes ya desde 1 di maart caba y cu nada lo cambia mas, y a tira e bala bek den scochi di Prome Minister Mike Eman.
Tambe hues a indica cu den e caso aki tin algun punto cu ta traha den contra di Mike de Meza, y otro na su fabor. Puntonan den Mike de Meza su desbentaha ta e echo cu den pasado na varios ocacion e no a entrega formulario di belasting (aangifte) na tempo, y tampoco e no a paga belasting na tempo. Punto na su fabor ta cu unabes e screening a cuminsa, el a core entrega, y paga tur cos, y awor e no debe nada.
